Find Your Next Read at Springbok’s Favourite Bookshop

"Dan word ek in my spore deur die wonderlikste aangesig gestuit. Die ikoniese klipbryg van Mostar, 'n simbool van rekonsiliasie, span soos 'n sierlike reënboog oor diep, turkoois water; die rippelende refleksie 'n sirkel van ewige lewe in die goue aandlig."

Ilse Nadine Mouton (née Morries) is gebore in Kaapstad, matrikuleer in 1970 aan die Hoërskool Groote Schuur en kwalifiseer daarna as radiografis by Tygerberg Hospitaal. Sy is getroud met André en woon in die Paarl. Hulle het drie kinders - Michelle, Nicolaas, en Adriaan. Daar is ook twee kleinkinders, die rede en sin vir alles.

Daar is 'n paar basiese reëls wanneer jy jou eerste band begin:
1. Besluit vooraf watter soort musiek julle wil maak.
2. Neem jou tyd om lede vir jou band te kies.
3. Moenie op iemand in jou eie band verlief raak nie.

Ons het al die reëls oortree...

Jakkals is baie honger. Dan sien hy vir Kraai in 'n boom. In haar bek is 'n groot stuk kaas. Jakkals kry 'n skelm plan...

Die "Ek lees self-reeks" is die perfekte wegspringplek vir beginnerlesers. Dié prettige dierestories sal ure se lees-vermaak verskaf. Elke boek bevat ook nuttige wenke wat ouers kan help om die jongklomp se leeslus aan te wakker.

In "Hondeklipbaai: van toeka tot nou" word hierdie kusdorpie soveel meer as 'n naam op 'n padbord langs die N7. Tinus Bruwer laat die geskiedenis van die Hondeklipbaaistreek lewe met sy vertellings oor hierdie oudste maar uiters gevaarlike natuurlike hawe aan die weskus van Suid-Afrika.

Lees oor die talle skipbreuke langs die kus en loop op die spoor van koper- en diamantontginning in Namakwaland. Watter soort mens het hierdie streek getem deur eeue se ontberings en swaarkry; hoe het Moordenaarsbaai sy naam gekry en waar lê Simson se Moertjie? Is daar 'n logiese verklaring vir die onverklaarbare "Verskynsel" buite Hondeklipbaai?

Hierdie boek vertel jou oor Hondeklipbaai se "toeka" en sy "nou".

"Ek het nog altyd en sal nog altyd vir jou bly bid.

Voordat jy gebore is, het ek al vir jou gebid. Ek is so lief vir jou dat jy, soos jy ouer word, nooit sonder die beskerming van gebed sal wees nie."

Hierdie kosbare storie het reeds duisende kinderhartjies verbly. Terwyl jy dit voorlees, skep dit die ideale oomblik om jou lieflingskind veilig in die liefde van 'n ouer en van God te omvou.

While most men will die with deep regrets, others will resolve to live for what matters most.

From the "New York Times" best-selling authors of "The Love Dare" comes a strong resolution of faith, family, and fatherhood that sets men on a course toward long-term success - the kind that breaks the chains of your past, earns the loving trust of your wife, wins the hearts of your children, and prepares a legacy beyond what your father could leave for you. With a clear resolution, you'll be able to see exactly where you're going. Straight ahead into a life marked by renewed faithfulness.

"Eendag as ek groot is, gaan ek 'n draak-jagter word."

'n Klein beertjie droom van die dag dat hy groot en sterk gaan wees - die dag wanneer niks hom meer bang sal maak nie. Maar daar is nog 'n paar dinge wat sy broekie so 'n bietjie laat bewe...

Op 'n waaghalsige soektog, diep die Land van Verbeelding in, ontdek die klein beertjie presies hoe dapper hy kan wees...

Die apies, bobbejane en gorillas kraai koning in die woud omdat hulle in die hoë bome kan klim. Hettie, 'n liewe olifantjie, wil graag by haar maats inpas en droom daarvan om soos hulle te klim en klouter. Sy skryf vir die jaarlikse boomklimkompetisie in en begin hard oefen. Maar olifante kan nie boomklim nie - hulle het wel ander talente. Hettie wys wat sy kan doen toe daar 'n vuur in die woud uitbreek.

Ouers, onderwysers en terapeute kan hierdie bowk gebruik om kinders aan te moedig om gemaklik in hul eie vel te wees en hulself lief te hê en te aanvaar net soos hulle is. Kinders leer dat dit oukei is om anders en uniek te wees en dat hulle kan trots wees op hulle talente.

Trippel is baie ongelukkig omdat hy nie soos ander trapsoetjies van kleur kan verander om te wys hoe hy voel nie. Maar op sy avontuur leer hy om te sê hoe hy voel en te luister as ander oor hulle gevoelens praat. Hy is spesiaal omdat hy anders is. Nou hou Trippel van homself net soos hy is.

Ouers, onderwysers en terapeute kan hierdie boek gebruik om kinders aan te moedig om met 'n vertroueling te praat oor hulle emosies. Kinders leer ook om dit wat hulle uniek en anders maak, te aanvaar en vir hulleself lief te wees.

Trippel ontmoet twee nuwe maats wat sy hulp nodig het - 'n verdwaalde parkiet en 'n eensame ou apie. Saam met hulle leer hy om sy vrese en uitdagings aan te durf en dapper te wees. Hy ontdek dis lekker om vriendelik te wees en ander te help.

Ouers, onderwysers en terapeute kan hierdie boek gebruik om kinders aan te moedig om hulp te vra wanneer hulle dit nodig het. Kinders leer ook om vriendelik en behulpsaam te wees wanneer ander hulp benodig. So is dit mos makliker om maats te maak!

"My Klein Bybel en Gebedeboekie" bevat van die mees geliefde Bybelverhale van alle tye. Elke pragtig-geïllustreerde storie word vergesel deur 'n gebed uit die Psalms. Hierdie Bybel gee vir klein kindertjies 'n liefde vir God se Woord en leer hulle van kleins af hoe om te bid.

Hy sal sy kudde laat wei soos 'n herder;
Hy sal die lammers in sy arm
vergader en aan sy bors dra;
die lammerooie sal Hy saggies lei.
Jesaja 40:11

Die verhale van die Bybel kry nuwe lewe in hierdie pragtige "Klassieke Storiebybel" vir kinders. Die "Klassieke Storiebybel" sluit verhale van die belangrikste gebeurtenisse van die Christelike geloof in. Die pragtige en dramatiese illustrasies beeld in grafiese besonderhede 57 van die belangrikste Bybelse gebeurtenisse uit. Die illustrasies skep 'n kontekstuele rekonstruksie van die wêreld van die Bybel wat kinders help om die boodskap van die Bybel beter te verstaan. Hierdie kinderbybel sal in die jare wat kom 'n groot gunsteling onder kinders en families bly.

Dawie Duif droom daarvan om 'n groot speurder soos sy oupagrootjie te wees. Maar om misdaad op te los is nie so maklik nie. Nadat Dawie 'n dief laat wegkom en per ongeluk die bewyse opeet, gee hy byna op. Maar dan word hy en sy maat, Muis, 'n tweede kans gegun. Sal hulle al die raaisels kan oplos?

Dirk is mal oor treine. Wanneer hy en sy ma by 'n ou stasiehuis intrek, is dit 'n droom wat waar word! Hy is selfs meer verbaas toe 'n antieke treinsinjaal een nag flikker en begin lewe kry... en 'n spookagtige trein verby sy venster stoom. Waarheen is dit op pad? En nog belangriker, sal dit ooit lank genoeg stop vir Dirk om uit te vind?

Klaas Vakie het verdwyn - die kindertjies slaap nie meer nie! Gaan soek hom saam met jou kleinding en ontdek dat drome soms werklik waar word...

Deel oomblikke van pure deernis en saamwees tydens bedtyd of net wanneer julle lus het. Geniet die reis deur die land van oulike stories!

Buksie ontdek 'n wonderwêreld in stories, dis soos 'n regte droom! Kom ontmoet Bangjan die bang dinosourus en geniet stories saam met jou kleuter - net om slaaptyd bietjie uit te rek...

Deel oomblikke van pure deernis en saamwees tydens bedtyd of net wanneer julle lus het. Geniet die reis deur die land van oulike stories!

Annie Ernaux (1940 - ) vind op tienjarige ouderdom uit dat sy 'n ouer suster gehad het. Dit is egter eers wanneer die uitgewer Claire Debru haar nooi om by te dra tot 'n versameling "fiktiewe briewe", na aanleiding van Franz Kafka se "Brief aan sy vader", dat sy die bestaan van klein Ginette erken en sodoende 'n familiegeheim openbaar. "L'autre fille" of "Die ander dogter" het ook in twee dramaproduksies in Frankryk gestalte gekry en is in Frans beskikbaar as 'n oudioboek wat deur die skryfster self voorgelees word. Woorde "wek" in meer as een opsig: hierdie is 'n teks wat 'n ses-jarige kind vir die lees daarvan (byna) uit die dood opwek.

"Want ek moes steeds sin maak van hierdie misterieuse teenstrydigheid: dat jy, die soet dogtertjie, die klein heilige, nie gered is nie; dat ek, die klein duiwel, lewendig was. Meer as net lewendig: genees deur 'n wonderwerk.
Dus moet dit so gebeur dat jy op sesjarige ouderdom sterf sodat ek gebore en gered kon word.

Om die verhaal van daardie verhaal te vertel, beteken dat dit wat 'n mens beleef het, nie meer in sagte fokus is nie, byna asof jy begin om 'n film te ontwikkel wat al sestig jaar in 'n kas bewaar word en waarvan daar nog nooit afdrukke gemaak is nie."

~ Vertaal deur Naòmi Morgan

Klein Beertjie is baie nuuskierig en hou daarvan om sy Bybel te lees en meer oor God te leer. Wanneer Klein Beertjie bekommerd is oor sy maats, herinner Mamma Beer hom dat ons op God kan vertrou om vir ons te sorg, net soos Jesus gesê het in sy Bergpreek.

"Klein Beertjie bekommer hom" is die ideale manier om jou 3- tot 6-jarige te leer om op God te vertrou.

Klein Beertjie is baie nuuskierig en hou daarvan om sy Bybel te lees en meer oor God te leer. Klein Beertjie dink dit is moeilik om gehoorsaam te wees. Pappa Beer vertel vir hom die Bybelstorie van Elisa en Naäman sodat hy sal leer dat gehoorsaamheid aan God makliker is as wat ons dink. En dit is maklik om te doen!

"Klein Beertjie leer van gehoorsaamheid" is die ideale manier om jou 3- tot 6-jarige te leer hoe belangrik gehoorsaamheid aan God is.